Пресс-служба
Назад в раздел Новости

Кәыцниа-ҧҳа Ф.А.: «Гәык-ҧсыкала ишәыдысныҳәалоит ҳиааира амшныҳәа ду 25 шықәса ахыҵра!»

Акыр иаҳзаҧсоу Ҳџьынџьтәылатә еибашьра аветеранцәа!

25 шықәса раҧхьа Аҧсны аҭоурых аҿы иаатит адаҟьа ҿыц- шықәсык инеиҳаны ицоз ашьаарҵәыратә еибашьра хыркәшахеит аҧсуа жәлар риааирала. Ари арыцхә ҳмилаҭ ирзаанагеит ахақәиҭреи, ахьыҧшымреи, аҧеиҧш лашеи: шьаҿа-шьаҿала аизҳазаӷьара амҩа иануп Урыстәылеи егьырҭ атәылақәеи иазхарҵаз Аҧсуа ҳәанҭқарра.

Аиааира амшныҳәа иацуп агәеизҳареиҧш, алахьеиқәрагьы, избанзар уи ҳнапаҿы иҟаларцаз шәҩыла рхы ақәырҵеит Аҧсны аҵеира, ҳашьцәа Нхыҵаа-аахыҵаа, аиашеи аҳақи рныҟәгара зшьа иалоу адунеи амилаҭқәа зегьы.

Аҧсны Арбитражтә усӡбарҭа аколлектив рыхьӡала гәык-ҧсыкала ишәыдысныҳәалоит ҳиааира амшныҳәа ду 25 шықәса ахыҵра!

Иахҭнагаз аибашьра азхазааит Аҧсынра, уаҳа абџьар ҭымҟьааит аҧсадгьыл ахьчаразы!

Ишәҭлааит, икакаҷлааит ҳҵеицәа ршьала иҿыху аҧсуа идгьыл!

28.09.2018